سپہ سالار پاکستان جنرل قمر جاوید باجوہ اور ڈی جی آئی ایس پی آر نے اپنے اکاؤنٹ کی ڈی پی سیاہ کردی۔جبکہ پاکستان کی مسئلہ کشمیر پر سب سے بڑی کامیابی 50 سال بعدعالمی سلامتی کونسل میں سیکورٹی کونسل کا اجلاس۔
15اگست یوم سیاہ کشمیر کے طور پر منایا جارہا ہے اور یاد رہے یہ دن بھارت کی آزادی کا دن ہے اور اس کے ظلم و ستم کی وجہ سے عالمی سطح پر یوم سیاہ منایا جارہا ہے اور بھارت نے کشمیر کے متعلق 370 اور A35 کے آرٹیکل کو ختم کیا تھا جس کی وجہ سے مسئلہ کشمیر ایک عالمی مسئلہ بن گیا ہے اور مسئلہ کشمیر کو جاننے والوں نے بھارت کی اس انتہا پسندی کو ہٹلر ازم قرار دیا اور بھارت کے خلاف عالمی سطح پر ریلیاں نکالی جارہی ہیں ۔
پاکستان کے مختلف شہروں اور گاؤں میں کشمیر کی آزادی کے حق میں ریلیاں نکالی جارہی ہیں اور بھارت کے ظلم و ستم کے خلاف نعرے بازی کی جارہی ہے۔ یاد رہے لندن میں بھی کشمیر کے حق میں جلوس نکالا گیا اور 15 اگست یوم آزادی بھارت کو یوم سیاہ کے طور پر منایا گیا اس مظاہرے میں سکھ برادری کے ساتھ ترکی اور انسانی حقوق کی محافظ نمائندے بھی شامل ہیں اور کشمیر کی آزادی کے نعرے لگائے جارہے ہیں اور حریت رہنماؤں کو رہا کرنے کے مطالبے کئے جارہے ہیں۔
انڈیا نے کشمیر کو ایک قید خانہ بنا کر رکھ دیا ہے اور وہ اس سے قبل گجرات میں بھی مسلمانوں کی نسل کشی کرچکا ہے۔اور کشمیریوں کے ساتھ بھی یہی کررہا ہے۔
عالمی سطح پر اگر بڑی قوتوں نے کشمیر کی آزادی میں حصہ نہ لیا کشمیریوں کو انصاف نہ دلایا تو تیسری عالمی جنگ شروع ہوجائے گی جبکہ چین اور روس نے کشمیریوں کے حق میں حمایت کا اعلان کردیا ہے اور سپر پاور امریکہ کے صدر ڈونلڈ ٹرمپ نے بھی مسئلہ کشمیر پر ثالثی کرنے کی حامی بھری تھی۔ اور اسد عمر نے ایک ریلی سے خطاب کرتے ہوئے کہا کہ ہم کشمیریوں کے ساتھ ہیں اور کشمیر بنے گا پاکستان جس طرح کل ہم نے پاکستان کا یوم آزادی منایا اب وہ دن دور نہیں جب کشمیری بھی اپنی آزادی کا دن منائیں گے۔
کشمیری رہنما ؤں کے بیانات بھی 5 اگست کے بعد سے سامنے آرہے ہیں جنہوں نے یہ اعتراف کیا کہ پہلے کشمیری رہنماؤں نے بھارت کے ساتھ الحاق کا فیصلہ غلط لیا تھا۔
آج بھارت کے ظلم و ستم کے خلاف دنیا کی بڑی طاقتوں کے بھی ضمیر جاگ رہے ہیں پاکستان نے بھارت کے اس ظلم و ستم کے خلاف بھارت سے ہر قسم کے تعلقات ختم کردیئے ہیں چاہے وہ تعلق سیاسی ہو ثقافتی ہو یا تجارتی۔ پاکستان کشمیر کی آواز بن کر دنیا میں ابھر گیا اور کشمیر اب عالمی قوتوں کے انصاف کی طرف دیکھ رہے ہیں ۔کیونکہ عالمی طاقت نے اگر اپنا کردار ادا نہ کیا تو مسلم دنیا میں اس کا شدید رد عمل ہوگا جبکہ بھارت کے اندر بھی بھارت کے ظلم و ستم کے خلاف مظاہرے۔
جبکہ 14 اگست 2019 کو عمران خان وزیراعظم پاکستان نے کشمیر کی قانون ساز اسمبلی سے خطاب کرتے ہوئے کہا تھا کہ کشمیری مجھے دنیا میں اپنا سفیر سمجھیں اور ہم کشمیریوں کے حق میں دنیا کے ہر پلیٹ فارم پر آواز اٹھائیں گے۔ اس کے بعد آرمی چیف جنرل قمر جاوید باجوہ کا بھی بیان سامنے آیا جس میں انہوں نے کشمیریوں کے حق میں بیان دیتے ہوئے کہا تھا کہ کشمیر کی آزادی کے لئے ہم ہر حد تک جائیں گے اور پاک فوج اس کے لئے تیار ہے۔
