کلر کہار حادثے میں 14 افراد جاں بحق اور 65 زخمی
چکوال کے علاقے کلر کہار کے
قریب اتوار کی شب بس الٹنے سے 14 افراد جاں بحق اور 65 زخمی ہوگئے۔
ترجمان موٹرویز پولیس کے مطابق
حادثہ بس کی بریک فیل ہونے سے پیش آیا۔
بس اسلام آباد سے لاہور جا
رہی تھی، مسافروں کو شادی کی تقریب میں لے کر جا رہی تھی۔
وزیر اعظم شہباز شریف نے حادثے
میں قیمتی جانوں کے ضیاع پر گہرے دکھ اور افسوس کا اظہار کیا ہے۔
انہوں نے متعلقہ حکام کو زخمیوں
کو بہترین طبی سہولیات فراہم کرنے کی ہدایت کی اور حادثے میں جاں بحق ہونے والوں کے
لیے دعا کی۔
دریں اثناء وزیر داخلہ رانا ثناء اللہ نے ریسکیو عملے کو زخمیوں کی ہر ممکن مدد کرنے کی ہدایت کی ہے۔
