تفصیلات کے مطابق پاکستانی اداکارہ سجل علی نے میڈیا سے گفتگو کرتے ہوئے کہا کہ پاکستان ایک ذمہ دار ملک ہے اور امن پسند ملک ہے اور ہم چاہتے ہیں کہ امن قائم ہو لیکن بھارت مقبوضہ کشمیر میں نہتے مسلمانوں پر ظلم و ستم کئے جارہا ہے اگر بھارت باز نہ آئے تو پاکستان کو ایک بار آزمالے اور اپنا جنگ کا شوق پورا کرلے اور اگر اس نے پاکستان کو آزمانے کی غلطی کی تو اسے سبق سکھا دیں گے۔
پاکستان انسانی جانوں سے نہیں کھیلنا چاہتا اگر خدانخواستہ جنگ ہوئی تو دونوں طرف انسانی جانیں لقمہ اجل بن سکتی ہیں۔
مزید انہوں نے کہا کہ پاکستان سے محبت میرے ایمان کا حصہ ہے اور ہم اپنے وطن کی خاطر کریئر، مال و دولت سمیت جان بھی قربان کرنے کو ہر وقت تیار رہتے ہیں۔
