انٹرنیشنل ادارے کے مطابق فیس بک کے مالک مارک زکربرگ نے
فیس بک میسینجر، واٹس ایپ، اور انسٹاگرام کی سروس کے انضمام پر کام شروع کرنے کی
ہدایت جاری کردی ہے اس میں ایک لمبا عرصہ درکار ہے تاہم 2020 تک اس طویل کام کی
تکمیل کا قوی امکان ہے ۔
مارک زکر برگ کا کہنا ہے کہ ان تینوں ایپس کا مرکز مشرک نہ
ہونے باعث صارفین کو ایک پلیٹ فارم سے دوسرے پلیٹ فارم تک پیغامات کی ترسیل ناممکن
ہے 2020 کے وسط تک ایسا ممکن ہوسکے گا۔
یاد رہے یہ تینوں ایپس پر ڈیٹا شیئر کیا جاتا ہے مگر ان کے
درمیان پیغامات کی ترسیل کا کوئی آپشن نہیں اور اس پر کام شروع ہونے کو صارفین نے
خوش آئند قرار دیا ہے۔
دوسری طرف فیس بک کی اجارہ داری مزید مضبوط ہوجائے گی اور
ریگولیٹری اداروں کی طرف سے فیس بک کے اہم حصوں کو توڑنا مشکل ہوجائے گا۔
