گورنر خیبرپختونخوا فیصل کریم کنڈی نے پاکستان اور امریکہ کے درمیان دوطرفہ تعلقات کو مزید مضبوط بنانے کی ضرورت پر زور دیا ہے۔ وہ پاکستان میں امریکہ کی قائم مقام سفیر نٹالی اے بیکر سے پشاور میں گفتگو کر رہے تھے۔
انہوں نے کہا کہ امریکہ پاکستان کا قابل اعتماد ترقیاتی
پارٹنر ہے اور مختلف شعبوں میں دوطرفہ تعاون کو مزید وسعت دینے کی خواہش کا اظہار
کیا۔ امریکی قائم مقام سفیر نے تمام شعبوں بالخصوص خیبرپختونخوا کے عوام کی خوشحالی
کے لیے دوطرفہ تعاون جاری رکھنے کے اپنے ملک کے عزم کا اعادہ کیا۔
کیڈٹ کالج وانا کے طلباء اور اساتذہ خوارج کے ناکام دہشت گرد حملے کے بعد بلند حوصلے کے ساتھ کھڑے ہیں۔ ذرائع کے مطابق چیف آف آرمی سٹاف فیلڈ مارشل سید عاصم منیر نے آپریشن کی کڑی نگرانی کی اور اس بات پر زور دیا کہ کیڈٹس قوم کا قیمتی اثاثہ ہیں اور ان کی ہر قیمت پر حفاظت کی جانی چاہیے۔
ذرائع نے مزید کہا کہ طلباء اور اساتذہ کا کہنا ہے کہ دہشت گردی کے خلاف ان کا عزم مزید مضبوط ہوا ہے۔کیڈٹس نے بتایا کہ وہ عصر کے وقت مشق کی تیاری کر رہے تھے کہ ایک بم دھماکہ ہوا اور انہیں معلوم ہوا کہ یہ تعلیم کے دشمنوں کا حملہ ہے۔ ان کا کہنا تھا کہ پاکستان آرمی کے جوانوں نے انہیں بحفاظت کالج سے منتقل کیا۔انہوں نے اس عزم کا اظہار کیا کہ تعلیم کے دشمن کچھ بھی کر لیں وہ ہمیں تعلیم سے نہیں روک سکتے۔
آپریشن کمانڈر کرنل محمد طاہر نے کہا کہ خوارج نے کیڈٹ
کالج وانا کو نشانہ بنانے کی کوشش کی جو پاک فوج کی طرف سے جنوبی وزیرستان کے
لوگوں کے لیے ایک قیمتی تحفہ ہے۔ انہوں نے کہا کہ سیکورٹی فورسز کے بروقت اور فوری
جواب نے اس کوشش کو ناکام بنا دیا۔ کرنل محمد طاہر نے کہا کہ کیڈٹ کالج وانا کے
تمام طلباء اور اساتذہ کو بحفاظت نکال لیا گیا ہے اور تمام خوارج کو بھرپور آپریشن
کے بعد ہلاک کر دیا گیا ہے۔
