انفارمیشن ٹیکنالوجی اور ٹیلی کمیونیکیشن کی وزیر شازہ فاطمہ خواجہ نے کہا ہے کہ ڈیجیٹل نیشن(Digital Nation) اقدام کے تحت نجی شعبے سے سرمایہ کاری کی حوصلہ افزائی کی جا رہی ہے۔ وہ آج اسلام آباد میں سائبر سیکیورٹی(Cybersecurity)، سائبر شیلڈ پالیسی اور مستقبل کے عنوان سے منعقدہ تقریب سے خطاب کر رہی تھیں۔ وزیر نے کہا کہ نئی شروع کی گئی سائبر شیلڈ پالیسی ای گورننس کے نظام، مالیاتی شعبے اور صحت سے متعلق ڈیٹا کو جامع تحفظ فراہم کرے گی۔
وفاقی وزیر برائے ترقی و منصوبہ بندی احسن اقبال نے گلگت میں پاکستان اٹامک انرجی کمیشن کے انسٹی ٹیوٹ آف نیوکلیئر میڈیسن، آنکولوجی اور ریڈیو تھراپی(Radiotherapy) میں کینسر سہولت سینٹر کا افتتاح کیا۔ وفاقی وزیر نے پاکستان اٹامک انرجی کمیشن کی کاوشوں کو سراہا۔ اس موقع پر انہوں نے گلگت بلتستان میں لڑکیوں اور خواتین میں کینسر سے متعلق مکمل آگاہی مہم شروع کرنے کی ہدایت کی تاکہ جلد تشخیص کے ذریعے جانوں کے تحفظ کو یقینی بنایا جا سکے۔
