نوجوانوں
کا پاکستان میں کرپٹو کرنسی کو فروغ دینے میں اہم کردار
وزیراعظم
محمد شہبازشریف نے کہا ہے کہ پاکستان مختلف شعبوں میں سرمایہ کاری کے منافع بخش
مواقع فراہم کرتا ہے۔ وہ ورلڈ لبرٹی فنانشل کے ایک وفد سے گفتگو کر رہے تھے جس کی
قیادت اس کے شریک چیئرمین زیک وٹ کوف کر رہے تھے جس نے اتوار کو اسلام آباد میں ان
سے ملاقات کی۔
وزیراعظم نے کہا کہ پاکستان دنیا میں سب سے تیزی
سے ترقی کرنے والی کرپٹو کرنسی اپنانے والی معیشتوں میں سے ایک ہے۔ انہوں نے کہا
کہ ملک کے باصلاحیت نوجوان پاکستان میں کرپٹو کرنسی کو فروغ دینے میں اہم کردار
ادا کر سکتے ہیں۔
وزیراعظم نے وفد کو بتایا کہ ملک میں کرپٹو کرنسی
جیسے معاشی لین دین کے متبادل طریقوں کو فروغ دینے کے لیے قواعد و ضوابط کی تشکیل
پر تیزی سے کام جاری ہے۔ اس موقع پر خطاب کرتے ہوئے Zach Witkoff نے
کہا کہ پاکستان دنیا کی تیزی سے ترقی کرنے والی معیشتوں میں سے ایک ہے جہاں قدرتی
وسائل کے شعبے میں عالمی سرمایہ کاروں کے لیے سرمایہ کاری کے پرکشش مواقع موجود ہیں۔
انہوں نے اعتراف کیا کہ پاکستان نہ صرف اس خطے بلکہ دنیا کے سرکردہ ممالک کی صف میں
شامل ہونے کی صلاحیت رکھتا ہے۔
Zach Witkoff نے خطے اور بین الاقوامی سطح پر امن کے قیام میں پاکستان کے
کلیدی کردار کو بھی سراہا۔ وفد نے پاکستان میں کرپٹو کرنسی کے شعبے کو فروغ دینے
کے لیے سرمایہ کاری کے لیے اپنی دلچسپی بھی ظاہر کی۔ ملاقات میں نائب وزیراعظم
محمد اسحاق ڈار، چیف آف آرمی سٹاف جنرل سید عاصم منیر، وزیر دفاع خواجہ محمد آصف،
وزیر اطلاعات و نشریات عطاء اللہ تارڑ، وزیر اقتصادی امور احد خان چیمہ اور دیگر
متعلقہ حکام بھی موجود تھے
