صدر آصف علی زرداری اور وزیر اعظم شہباز شریف نے ڈیرہ اسماعیل خان میں دہشت گردوں کے خلاف کامیاب آپریشن پر سیکیورٹی فورسز کو شاباش دی ہے۔ اپنے بیان میں صدر مملکت نے کہا کہ دہشت گردی کے مکمل خاتمے تک سیکیورٹی فورسز کی کارروائیاں جاری رہیں گی۔
انہوں
نے کہا کہ دہشت گرد عناصر کے خاتمے اور ملکی دفاع کو یقینی بنانے کا ہمارا عزم غیر
متزلزل رہے گا۔ اپنے بیان میں وزیراعظم نے کہا کہ دہشت گردی کے خلاف جنگ میں پوری
قوم سیکیورٹی فورسز کے شانہ بشانہ کھڑی ہے۔ انہوں نے ملک سے دہشت گردی کے مکمل
خاتمے کے عزم کا اظہار کیا۔
گیاری
سیکٹر کے شہداء کو آج ان کی 13ویں برسی منائی جا رہی ہے، قوم ان کو شاندار خراج
عقیدت پیش کر رہی ہے۔ اسی دن اپریل 2012 میں ایک افسوسناک واقعہ پیش آیا جب سیاچن
گلیشیئر کے گیاری سیکٹر میں پاک فوج کے بٹالین ہیڈ کوارٹر پر برفانی تودہ گرنے سے
ٹکرا گیا۔ سانحہ میں بٹالین ہیڈ کوارٹر مکمل طور پر تباہ ہو گیا جس کے نتیجے میں
پاک فوج کے ایک سو 29 بہادر جوان شہید ہو گئے۔ غیر ملکی ریسکیو ٹیموں نے اس مشن کو
ناممکن قرار دیا تھا لیکن پاک فوج بالخصوص انجینئرز کور نے اس مشن کو بڑی ہمت اور
بہادری سے پورا کیا۔ شہداء کی یاد میں سیاچن کی بلند چوٹی پر یادگار شہدا بھی
بنایا گیا۔
