ای کامرس کی ترقی اور ڈیجیٹل
معیشت کو فروغ دینےکی کوشش
ہنگری کے خارجہ امور اور
تجارت کے وزیر پیٹر سیجارتو نے پاکستان کے ساتھ معیشت اور تجارت سمیت مختلف شعبوں
میں تعاون کو وسیع کرنے کی اپنے ملک کی شدید خواہش کا اظہار کیا ہے۔ وہ جمعرات کو
اسلام آباد میں پاکستان ہنگری بزنس فورم سے خطاب کر رہے تھے۔
ہنگری کے وزیر خارجہ نے اس اعتماد کا اظہار کیا
کہ دونوں فریقین کے درمیان آج ہونے والی
B2B ملاقاتیں کامیاب ثابت ہوں گی۔ انہوں نے کہا
کہ دونوں ممالک سرمایہ کاری کے باہمی تحفظ کے معاہدے پر دستخط کرنے کی تیاری کر
رہے ہیں۔
اس کے علاوہ، انہوں نے کہا کہ وہ دونوں ممالک کے
درمیان براہ راست فضائی رابطہ قائم کرنے کے لیے ہوا بازی کے ایک معاہدے پر بھی
دستخط کرنے والے ہیں۔ ہنگری کے وزیر خارجہ نے 2027 کے بعد بھی پاکستان کے جی ایس پی
پلس کا حصہ رہنے کی حمایت کا اظہار کیا۔ اپنے ریمارکس میں وزیر تجارت جام کمال خان
نے اس اعتماد کا اظہار کیا کہ B2B مصروفیات
پاکستان اور ہنگری کے درمیان بامعنی شراکت داری اور طویل المدتی منصوبوں کا باعث
بنیں گی۔
انہوں نے کہا کہ پاکستان
نے اپنی تجارت اور سرمایہ کاری کے ماحول کو بہتر بنانے میں نمایاں پیش رفت کی ہے۔
انہوں نے کہا کہ کاروبار کرنے میں آسانی کو بہتر بنانے، غیر ملکی سرمایہ کاری کو
راغب کرنے اور پائیدار ترقی کی حمایت کرنے والا مضبوط انفراسٹرکچر بنانے کے لیے
مختلف ریگولیٹری اور پالیسی اصلاحات کی جا رہی ہیں۔
جام کمال نے کہا کہ پاکستان میں کاروبار کے فروغ
اور حوصلہ افزائی کے لیے ٹیرف ریشنلائزیشن پر خصوصی توجہ کے ساتھ ایک قومی ٹیرف
پالیسی بنائی جا رہی ہے۔ انہوں نے کہا کہ
ای کامرس کی ترقی اور ڈیجیٹل معیشت کو فروغ دینے کے لیے بھی کوششیں جاری ہیں۔
وزیر تجارت نے کہا کہ پاکستان غیر ملکی سرمایہ
کاروں کے لیے ایک امید افزا منزل پیش کرتا ہے۔ انہوں نے کہا کہ ہم ہنگری کی تکنیکی
مہارت، اختراع اور صنعتی صلاحیت کی قدر کو تسلیم کرتے ہیں۔ انہوں نے کہا کہ یہ دونوں ممالک کے درمیان باہمی
فائدہ مند تعاون کے لیے ایک زرخیز زمین فراہم کرتا ہے۔ قبل ازیں ہنگری کے وزیر
برائے خارجہ امور و تجارت پیٹر سیجارٹو جمعرات کو پاکستان کے ایک روزہ دورے پر
اسلام آباد پہنچے۔ ایئرپورٹ پر ایڈیشنل سیکرٹری یورپ محمد ایوب، ہنگری کے سفیر اور
دیگر اعلیٰ حکام نے ان کا استقبال کیا۔
