مریم نواز نے وبائی امراض کی کڑی نگرانی کی ہدایت کی
وزیر اعظم شہباز شریف نے
عالمی امن کے تحفظ اور اس کے نفاذ اور اس دنیا کو موجودہ اور آنے والی نسلوں کے لیے
ایک بہتر اور زیادہ پرامن جگہ بنانے کے لیے پاکستان کے عزم کا اعادہ کیا ہے۔
اقوام متحدہ کے امن دستوں
کے عالمی دن کے موقع پر اپنے پیغام میں وزیراعظم نے دنیا بھر کے امن دستوں کو خراج
تحسین پیش کیا۔
انہوں نے کہا کہ ہم
پاکستانی امن دستوں کا خصوصی شکریہ ادا کرتے ہیں جن کی عالمی امن و سلامتی کے لیے
خدمات کا ہر ایک نے اعتراف کیا ہے۔
انہوں نے کہا کہ اقوام
متحدہ کے قیام امن کے لیے ہماری وابستگی کے چونسٹھ سال کے دوران پاکستان کے
230,000 فوجی اہلکاروں بشمول 500 سے زائد خواتین امن دستوں نے اپنی شاندار خدمات
پر قوم کو فخر کیا ہے۔
شہباز شریف نے کہا کہ قوم
ان 181 شہداء کی ہمیشہ قرض میں رہے گی جنہوں نے عالمی امن و سلامتی کی خدمت میں
اپنی جانوں کا نذرانہ پیش کیا۔
وزیراعلیٰ پنجاب مریم نواز شریف نے
صوبے میں خسرہ سمیت دیگر وبائی امراض کی کڑی نگرانی کی ہدایت کی ہے۔
پتوکی میں خسرہ سے بچوں کی اموات کا
نوٹس لیتے ہوئے انہوں نے سیکرٹری صحت کو واقعہ کی فوری رپورٹ پیش کرنے کی ہدایت کی۔
انہوں نے خسرہ سے متاثرہ
بچوں کو بہترین طبی سہولیات فراہم کرنے کی ہدایت کی۔
