فیکٹری کی عمارت گرنے سے چار امدادی کارکن جاں بحق ہو گئے
فیکٹری کی عمارت گرنے سے چار
امدادی کارکن جاں بحق ہو گئے
نیو کراچی انڈسٹریل ایریا
میں کولنگ کے عمل کے دوران فیکٹری کی عمارت گرنے سے 4 ریسکیو کارکن جاں بحق اور 13
زخمی ہوگئے۔
آگ پر قابو پانے کے لیے فائر
فائٹرز کو طلب کیا گیا جس نے دو فیکٹریوں کو لپیٹ میں لے لیا تھا۔ آگ بجھانے کے بعد
کولنگ کے عمل کے دوران دونوں فیکٹریوں کا ایک حصہ گر گیا۔ ریسکیو کا کام تاحال جاری
ہے۔
وزیر اعظم شہباز شریف نے کراچی
میں دو فیکٹریوں میں لگنے والی آگ پر قابو پانے کے دوران جام شہادت نوش کرنے والے چار
فائر فائٹرز کو شاندار خراج عقیدت پیش کیا۔
ایک تعزیتی پیغام میں انہوں
نے شہید فائر فائٹرز کے اہل خانہ سے تعزیت اور ہمدردی کا اظہار کیا۔
وزیراعظم نے لوگوں کی جانیں
بچانے میں فائر فائٹرز کی بہادری اور جذبے کو سراہا۔
انہوں نے سندھ حکومت کو ہدایت
کی کہ وہ شہید فائر فائٹرز کے اہل خانہ کو ان کے بچوں کی تعلیم اور مدد فراہم کرنے
کے لیے مالی امداد کی فراہمی کے لیے اقدامات کرے۔
شہباز شریف نے کراچی میں آتشزدگی
کے واقعات کی روک تھام کے لیے جامع حکمت عملی تیار کرنے کی بھی ہدایت کی۔
انہوں نے زخمیوں سے اظہار
یکجہتی کرتے ہوئے انہیں علاج کی بہترین سہولیات فراہم کرنے کی ہدایت کی۔ انہوں نے زخمیوں
کی جلد صحت یابی کی دعا بھی کی۔
