امیر نے پاکستان کے ساتھ اقتصادی تعاون بڑھانے میں قطر کی گہری دلچسپی کا اظہار بھی کیا
قطر
کے امیر شیخ تمیم بن حمد الثانی نے پاکستان کے ترقیاتی ایجنڈے میں تعاون جاری رکھنے
کے پختہ عزم کا اعادہ کیا ہے۔
اس
عزم کا اظہار انہوں نے اتوار کو دوحہ میں وزیراعظم شہباز شریف کا استقبال کرتے ہوئے
کیا۔
امیر
نے پاکستان کے ساتھ اقتصادی تعاون بڑھانے میں قطر کی گہری دلچسپی کا اظہار بھی کیا۔
انہوں
نے دو طرفہ مفادات اور پاکستان اور قطر کے درمیان تجارت اور سرمایہ کاری سمیت تمام
شعبوں میں جاری تعاون کو مزید مضبوط بنانے پر بھی تبادلہ خیال کیا۔
امیر
نے قطر کی ترقی میں پاکستانی افرادی قوت کی خدمات کو بھی سراہا، خاص طور پر فیفا ورلڈ
کپ 2022 کے کامیاب انعقاد پر پاکستانی سیکیورٹی حکام کی کارکردگی کو بھی سراہا۔
پاکستان
میں ترقیاتی منصوبوں کے لیے قطر کی مسلسل حمایت کا اعتراف کرتے ہوئے شہباز شریف نے
دونوں ممالک کے درمیان تعاون کے وسیع مواقع پر روشنی ڈالی۔
شہباز
شریف نے شیخ تمیم بن حمد الثانی کو دورہ پاکستان کی دعوت دی جسے انہوں نے بخوشی قبول
کر لیا۔
