خواتین کا عالمی دن: صدر، وزیر اعظم نے ترقی کے لیے خواتین کو بااختیار بنانے کی ضرورت پر زور دیا
خواتین کا عالمی دن: صدر، وزیر اعظم نے
ترقی کے لیے خواتین کو بااختیار بنانے کی ضرورت پر زور دیا
پاکستان سمیت دنیا بھر میں
آج خواتین کا عالمی دن منایا جا رہا ہے جس میں خواتین کی سماجی، معاشی، ثقافتی اور
سیاسی کامیابیوں کو تسلیم کیا جا رہا ہے۔
اس سال کے دن کا تھیم DigitALL: صنفی مساوات کے لیے جدت اور ٹیکنالوجی ہے۔
اس دن کی مناسبت سے متعدد
تقاریب اور تقریبات کا اہتمام کیا جائے گا۔
صدر مملکت ڈاکٹر عارف علوی
اور وزیر اعظم شہباز شریف نے معاشرے کی ترقی کے لیے خواتین کو بااختیار بنانے کی ضرورت
پر زور دیا ہے۔
خواتین کے عالمی دن کے موقع
پر اپنے الگ الگ پیغامات میں انہوں نے زندگی کے تمام شعبوں میں خواتین کی شرکت بڑھانے
پر زور دیا۔
صدر مملکت ڈاکٹر عارف علوی
صدر مملکت ڈاکٹر عارف علوی نے کہا کہ پاکستان کو خاص طور پر دور دراز علاقوں میں خواتین کی ٹیکنالوجی اور ڈیجیٹل
خواندگی کے پروگرام تک رسائی بڑھانے کی ضرورت ہے۔
انہوں نے کہا کہ انہیں انٹرنیٹ
خدمات، لیپ ٹاپس اور دیگر ڈیجیٹل ٹیکنالوجیز تک رسائی فراہم کرنے کے علاوہ، ہمیں زیادہ
سے زیادہ خواتین کی حوصلہ افزائی کرنی چاہیے کہ وہ STEM
شعبوں میں کریئر بنائیں۔
ڈاکٹر عارف علوی نے کہا کہ
خواتین کاروباریوں اور کاروباری مالکان کو مالی طور پر خود مختار بنانے کے لیے انہیں
وسائل اور مدد فراہم کرنا ضروری ہے۔
وزیر اعظم شہباز شریف
وزیر اعظم شہباز شریف نے اپنے
پیغام میں کہا کہ خواتین کا عالمی دن معاشرے میں خواتین کے کلیدی کردار اور انسانی
تہذیب کے ارتقا میں ان کے کردار کو تسلیم کرنے کا دن ہے۔
انہوں نے کہا کہ تاریخ گواہ
ہے کہ انسانی معاشرے کی ترقی خواتین کے تعمیری کردار کے بغیر ممکن نہیں۔
شہباز شریف نے کہا کہ ہمارے
مذہب اسلام نے 14 سو سال پہلے خواتین کو مساوی حقوق دیئے تھے۔
وزیر اعظم نے زور دیا کہ خواتین
کو زیادہ بااختیار بنانے، تحفظ اور منصفانہ حقوق کو یقینی بنانے کے لیے پورے معاشرے
کو مل کر کام کرنا ہوگا۔
وزیر اطلاعات و نشریات مریم اورنگزیب
آج خواتین کے عالمی دن کے
موقع پر اپنے پیغام میں انہوں نے والدین اور اساتذہ کو سلام پیش کیا، جو اپنی بیٹیوں
اور بیٹوں میں فرق نہیں کرتے اور زندگی میں آگے بڑھنے میں ان کی مدد کرتے ہیں۔ انہوں
نے کہا کہ لڑکیوں کے ساتھ یکساں سلوک کرنے سے ہی ہر گھر ترقی کرے گا۔
وزیر موصوف نے کہا کہ لڑکی
کی تعلیم کا مطلب نسلوں کی ترقی ہے اور ایک صحت مند اور پراعتماد بیٹی ایک صحت مند،
پر اعتماد اور باوقار قوم بناتی ہے۔
وزیر برائے موسمیاتی تبدیلی سینیٹر شیری رحمان کا کہنا ہے کہ خواتین کا عالمی دن منانے کا مقصد خواتین کی حوصلہ افزائی، ان کے حقوق کو پہچاننا اور خواتین کے مساوی مقام کے حوالے سے لوگوں میں آگاہی پھیلانا ہے۔
خواتین کے عالمی دن کے موقع
پر اپنے پیغام میں انہوں نے کہا کہ پاکستان کی اڑتالیس فیصد آبادی خواتین پر مشتمل
ہے اور وہ ہمارے خاندانی نظام، معاشرے، ملک اور معیشت میں ریڑھ کی ہڈی کی حیثیت رکھتی
ہیں۔
شیری رحمان نے کہا کہ خواتین
کو آئین اور قانون کے مطابق ان کے حقوق اور مقام ملنا چاہیے تاکہ وہ سماجی اور معاشی
طور پر باوقار زندگی گزار سکیں۔
انہوں نے اس سال خواتین کے
عالمی دن کو ملک بھر کے محنت کشوں، مزدوروں اور سیلاب سے متاثرہ خواتین کے نام وقف
کرتے ہوئے کہا کہ یہ دن ان کی جدوجہد کی علامت ہے۔
