برطانوی وزیر اعظم سماج دشمن رویے کے خلاف کریک ڈاؤن کے لیے اقدامات

شمالی کوریا نے اپنے مشرقی ساحل سے مختصر فاصلے تک مار کرنے والے دو بیلسٹک میزائل فائر کیے ہیں۔

شمالی کوریا نے پیر کے روز اپنے مشرقی ساحل سے مختصر فاصلے تک مار کرنے والے دو بیلسٹک میزائل داغے۔

شمالی کوریا کا تازہ ترین تجربہ امریکہ اور جنوبی کوریا کی بحریہ کی جانب سے جنوبی جزیرے جیجو کے بین الاقوامی پانیوں میں مشترکہ مشقوں کے دوران کیا گیا۔

ایک بیان میں جنوبی کوریا کی بحریہ کے ترجمان جانگ ڈو ینگ نے کہا کہ یہ مشقیں امریکی توسیعی ڈیٹرنس بالخصوص نیوکلیئر فورسز کی کارکردگی کو بہتر بنانے کے لیے بنائی گئی ہیں تاکہ اس کے اتحادیوں پر حملوں کو روکا جا سکے۔

سعودی اور ایرانی وزرائے خارجہ رمضان المبارک کے دوران ملاقات کریں گے

سعودی عرب اور ایران نے رمضان المبارک کے دوران دوطرفہ وزرائے خارجہ اجلاس منعقد کرنے پر اتفاق کیا ہے۔

یہ سمجھوتہ سعودی وزیر خارجہ شہزادہ فیصل بن فرحان اور ان کے ایرانی ہم منصب حسین امیر عبداللہیان کے درمیان ٹیلی فونک گفتگو کے دوران ہوا۔

ایک ہفتے میں یہ دوسری فون کال ہے جس کے دوران انہوں نے متعدد امور پر تبادلہ خیال کیا۔

چین، سعودی عرب اور ایران کی ثالثی میں ہونے والے ایک معاہدے کے تحت رواں ماہ کی 10 تاریخ کو 2016 میں منقطع ہونے والے سفارتی تعلقات کی بحالی کا اعلان کیا گیا تھا۔ تب سے دونوں ممالک کے حکام ایک دوسرے سے رابطے میں ہیں۔