وزیراعظم محمد شہبازشریف نے سولر اور ونڈ پاور پراجیکٹس پر کام تیز کرنے کی ہدایت کی ہے
وہ اتوار کو لاہور میں قابل
تجدید توانائی کے ذرائع سے متعلق ایک اعلیٰ سطحی اجلاس کی صدارت کر رہے تھے
وزیراعظم نے کہا کہ حکومت
کی ترجیح شمسی اور حرکی توانائی کے ذرائع سے بجلی کی پیداوار کو فروغ دینا ہے۔ انہوں
نے کہا کہ قابل تجدید ذرائع کم لاگت اور ماحول دوست بجلی پیدا کریں گے۔
وزیراعظم نے افسوس کا اظہار
کیا کہ پچھلی حکومت نے ن لیگ کے دور میں سولر اور کائنٹک منصوبوں پر شروع کیے گئے کام
کو مکمل نہیں کیا۔ انہوں نے کہا کہ پچھلی حکومت کی مجرمانہ غفلت اور نااہلی کا خمیازہ
پوری قوم بھگت رہی ہے۔
وزیراعظم نے کہا کہ حکومت
کے 10,000 میگاواٹ کے شمسی توانائی کے منصوبے پر کام زوروں پر ہے۔ انہوں نے کہا کہ
سولر پاور ہمیں مہنگے درآمدی ایندھن پر خرچ ہونے والے کروڑوں روپے کی بچت کرنے کے قابل
بنائے گی۔
وزیراعظم نے سولر اور کائنٹک
انرجی کے منصوبوں کی راہ میں حائل تمام رکاوٹوں کو دور کرنے کی بھی ہدایت کی۔
اجلاس کو ملک میں شمسی اور
حرکی توانائی کی موجودہ صلاحیت، تعطل کا شکار منصوبوں اور اس حوالے سے پیش رفت کے بارے
میں تفصیل سے آگاہ کیا گیا۔ اجلاس کو بتایا گیا کہ حکومت کے 10 ہزار میگاواٹ کے سولر
پاور پراجیکٹ کے علاوہ دیگر مجوزہ کائینیٹک اور سولر انرجی منصوبوں سے مجموعی طور پر
6 ہزار میگاواٹ کم لاگت اور ماحول دوست بجلی پیدا کی جا سکتی ہے۔
