شہباز شریف وزیراعظم پاکستان نے ڈچ کمپنیوں کو سرمایہ کاری کی دعوت دی
پاکستان اور ہالینڈ نے دوطرفہ
تجارتی اور اقتصادی تعلقات کو مزید بڑھانے پر اتفاق کیا ہے۔
یہ مفاہمت وزیر اعظم شہباز
شریف اور ان کے ہالینڈ کے ہم منصب مارک روٹے کے درمیان ٹیلیفونک گفتگو کے دوران طے
پائی۔
دونوں وزیراعظم نے موسمیاتی
تبدیلی سے متعلق امور پر تعاون جاری رکھنے پر بھی اتفاق کیا
شہباز شریف نے ڈچ کمپنیوں کو پاکستان میں زراعت، باغبانی، پانی کے انتظام اور قابل تجدید توانائی کے شعبوں میں سرمایہ کاری کی دعوت دی۔
دونوں رہنماؤں نے باہمی دلچسپی
کے اہم عالمی اور علاقائی امور پر بھی تبادلہ خیال کیا جن میں بھارت کے غیر قانونی
طور پر مقبوضہ جموں و کشمیر، افغانستان اور یوکرین کی صورتحال بھی شامل ہے۔
طوفانی بارشیں اور لینڈ سلائیڈنگ سے تباہی
باہمی احترام اور مذہبی رواداری
کی ضرورت پر زور دیتے ہوئے شہباز شریف نے کہا کہ عالمی برادری کو اسلام فوبیا کے خلاف
اجتماعی آواز اٹھانی چاہیے اور بین المذاہب ہم آہنگی اور پرامن بقائے باہمی کے فروغ
کے لیے مل کر کام کرنا چاہیے۔
