صدر مملکت
ڈاکٹر عارف علوی نے انشورنس خدمات سے استفادہ کے لیے لوگوں میں بہتر آگاہی کی ضرورت
پر زور دیا ہے۔
جمعرات کو اسلام آباد میں وفاقی انشورنس محتسب سیکرٹریٹ
کے زیر اہتمام 'بیمہ صنعت میں آگاہی اور ٹیکنالوجی کی اہمیت' کے عنوان سے منعقدہ سیمینار
سے خطاب کرتے ہوئے صدر نے انشورنس پالیسی ہولڈرز کے مفادات کے تحفظ کو یقینی بنانے
اور انشورنس کی ترقی کو فروغ دینے میں وفاقی محتسب سیکرٹریٹ کی کوششوں کو سراہا۔
انہوں نے کہا کہ وفاقی انشورنس محتسب تنازعات کے
حل کی موثر متبادل سروس پیش کر رہا ہے جس سے عدالتوں پر بوجھ کم ہوتا ہے اور لوگوں
کو عدالتی کارروائیوں میں مصروف اور وقت لینے سے بھی بچا جاتا ہے۔
عارف علوی نے انشورنس سروس فراہم کرنے والوں پر زور
دیا کہ وہ لوگوں کو جدید ترین اور محفوظ خدمات پیش کریں تاکہ وہ انشورنس انڈسٹری پر
اعتماد کر سکیں۔
قبل ازیں وفاقی انشورنس محتسب ڈاکٹر محمد خاور جمیل
نے سیمینار کے شرکاء کو انشورنس کمپنیوں کے خلاف انشورنس پالیسی ہولڈرز کی شکایات کے
ازالے میں دفتر کی کارکردگی کے بارے میں آگاہ کیا۔
0 Comments
Thank you. We appreciate your valuable feedback.