مینڈکوں کا سپر مین
ہمیں
یقین ہے کہ اگر کبھی مینڈکوں نے فلم "سپر مین" بنائی، تو اس کا مرکزی
کردار یہی مینڈک ہوگا۔
خیر
! تفنن برطرف ۔۔۔ ایک تازہ خبر کے مطابق، ویتنام کے شہر ہوچی من سٹی سے 60 میل دور
ایک گاؤں میں آسٹریلیا سے تعلق رکھنے والی ایک ماہر حیاتیات، محترمہ جوڈی رولی نے
دنیا کا پہلا"اڑنے والا مینڈک" دریافت کیا ہے۔ "نیشنل جیو
گرافک" کی ویب سائٹ پر شائع شدہ ایک رپورٹ کے مطابق ، یہ مینڈک اڑنے کے لئے
اپنے پاؤں میں لگی مخصوص جھلی استعمال کرتا ہے جل تھلیوں (Amphibian) پر تحقیق میں
خصوصی مہارت رکھنے والی، جوڈی رولی نے اس مینڈک کا نام اپنے والدہ کے نام پر ہیلن
رکھا ہے۔وہ اسے " ہیلن کا اڑنے والا مینڈک" کے نام سے پکارتی ہے۔البتہ
اس کا حیاتیاتی نام Rhacophorus
Helenae رکھا گیا ہے۔
"ہیلن"
چار انچ تک لمبا ہوتا ہے جب کہ مادہ ہیلن، نر کے مقابلے میں بڑی ہوتی ہے۔ یہ مینڈک
زیادہ تر اپنا وقت درختوں کی چھتری (کینوپی) پر گزارتے ہیں۔ جوڈی رولی نے سب سے
پہلے "ہیلن" کو ہوچی من سٹی میں چاول کے ایک کھیت میں دیکھا، جس کے بعد
انہوں نے نیشنل جیو گرافک سے رجوع کیا۔ ہیلن بآسانی اڑ کر ایک سے دوسرے درخت پر
منتقل ہو جاتے ہیں۔
ہیلن
کی رنگت چمکدار سبز ہے۔ نیشنل جیوگرافک کی رپورٹ کے مطابق، یہ انتہائی مختصر تعداد
میں ہیں اور ان کی بقا کو خطرات بھی لاحق ہیں۔
رپورٹ:
سلیمان عبداللہ گلوبل سائنس اگست 2014ء
