کافی (Coffee) کیسے استعمال کریں
کافی (Coffee) کے شوقین افراد کے لیے ایک انتہائی خوشائند اور اہم طبی تحقیق سامنے آئی ہے جس کے مطابق روزانہ 5 کپ تک کافی پینا مکمل طور پر محفوظ ہے اور اس کے انسانی صحت پر متعدد مثبت اثرات مرتب ہوتے ہیں۔ امریکی ہارٹ ایسوسی ایشن (American Heart Association) کی جانب سے جاری کی گئی نئی رپورٹ میں بتایا گیا ہے کہ کافی کا معتدل استعمال نہ صرف دل کی صحت (Heart Health) کو برقرار رکھنے میں مددگار ثابت ہوتا ہے بلکہ یہ دیگر سنگین بیماریوں کے خطرے کو بھی کم کرتا ہے۔
طبی ماہرین کا کہنا ہے کہ کافی میں موجود اینٹی آکسیڈنٹس (Antioxidants) اور دیگر غذائی اجزاء جسمانی سوزش کو کم کرنے اور میٹابولزم کو بہتر بنانے میں اہم کردار ادا کرتے ہیں۔ ماضی میں یہ خیال کیا جاتا تھا کہ کیفین (Caffeine) کی زیادہ مقدار بلڈ پریشر اور دل کی دھڑکن کو متاثر کر سکتی ہے، تاہم حالیہ جامع تحقیق نے ثابت کیا ہے کہ روزانہ 4 سے 5 کپ کافی پینے سے دل کا دورہ پڑنے اور فالج کے خطرات میں کمی دیکھی گئی ہے۔
تحقیق میں یہ بات بھی واضح کی گئی ہے کہ کافی کے یہ فائدے تبھی ممکن ہیں جب اس میں زیادہ چینی، مصنوعی ذائقے اور کیپوچینو جیسی اضافی چکنائی والی اشیاء کا استعمال نہ کیا جائے۔ ماہرین صحت نے مشورہ دیا ہے کہ بغیر چینی یا کم چینی والی کافی کا باقاعدگی سے استعمال بلڈ شوگر کو کنٹرول رکھنے اور لمبی عمر کے لیے انتہائی مفید ثابت ہو سکتا ہے۔
