وزیر اعلیٰ پنجاب مریم نواز شریف نے صوبے کے ہر ضلع میں سٹروک مینجمنٹ سینٹرز(Stroke Management Centers) کے قیام کی منظوری دے دی ہے۔ منگل کو لاہور میں ایک اجلاس کی صدارت کرتے ہوئے وزیراعلیٰ نے ہدایت کی کہ فالج کے مریضوں کے فوری علاج کے لیے ٹیلی میڈیسن کا منصوبہ بلا تاخیر شروع کیا جائے۔ ڈسٹرکٹ ہسپتالوں کے ڈاکٹر فالج کے مریضوں کے فوری علاج کے لیے ماہرین اور کنسلٹنٹس سے براہ راست ٹیلی فونک رابطہ قائم کر سکیں گے۔ انہوں نے ہدایت کی کہ ہر ضلع میں ایک ڈاکٹر اور ایک نرس کو فالج کے انتظام میں فوری طور پر تین ماہ کی تربیت فراہم کی جائے۔
انہوں نےسٹروک مینجمنٹ سینٹرز(Stroke Management Centers) کے لیے نرسوں کا تربیتی پروگرام شروع کرنے کی بھی ہدایت کی اور ریسکیورز کو فالج کے انتظام کی تربیت فراہم کرنے کے لیے ضروری اقدامات کا حکم دیا۔ انہوں نے ہدایت کی کہ فالج کے علاج کے لیے عوامی آگاہی مہم شروع کی جائے۔
وزیراعلیٰ سندھ سید مراد علی شاہ نے کراچی میں کورنگی کاز وے پل کا افتتاح کردیا۔ ایک بیان میں، انہوں نے پل کو ایک اہم اسٹریٹجک پوائنٹ قرار دیا جو خاص طور پر مون سون کے دوران ٹریفک کی بھیڑ کے مسئلے کو حل کرے گا۔ انہوں نے کہا کہ سندھ حکومت پائیدار انفراسٹرکچر میں سرمایہ کاری کر رہی ہے اور کراچی کے مسائل کو مربوط منصوبہ بندی سے حل کر رہی ہے کیونکہ کراچی کی ترقی پاکستان اور سندھ کی ترقی ہے۔
سید مراد علی شاہ نے کہا کہ یہ پل شہریوں کو ہر موسم میں آسان رسائی فراہم کرے گا، صنعتی سرگرمیوں کو فروغ دے گا، سامان اور افرادی قوت کی بلا روک ٹوک نقل و حرکت کو یقینی بنائے گا اور ایمبولینس اور ریسکیو سروسز کے لیے تیز رفتار اور محفوظ راستہ فراہم کرے گا۔
