خصوصی سرمایہ کاری سہولت کونسل (SIFC) ملک میں غیر ملکی سرمایہ کاری کو فروغ دینے اور بین الاقوامی تعلقات کو مضبوط بنانے میں اہم کردار ادا کر رہی ہے۔ انہی کوششوں کے سلسلے میں حال ہی میں لاہور چیمبر آف کامرس اینڈ انڈسٹری میں بیلجیئم کیٹلاگ کی ایک نمائش کا انعقاد کیا گیا۔
پاکستان میں بیلجیئم کے سفیر Charles-Idesbald Van Der Gracht، LCCI کے صدر فہیم الرحمان سیگول اور دیگر اہم حکام نے تقریب میں شرکت کی۔ اس نمائش میں بیلجیئم کی ایک سو سے زائد کمپنیاں مختلف شعبوں بشمول ایروناٹکس، تعمیرات، فارماسیوٹیکل، آئی ٹی اور دیگر میں اپنے کیٹلاگ پیش کر رہی تھیں۔ تقریب کے دوران پاکستان اور بیلجیئم نے دوطرفہ اقتصادی تعاون، تجارتی تعلقات اور تعلیم اور سرمایہ کاری کے شعبوں میں تعاون جاری رکھنے کے عزم کا اعادہ کیا۔
نائب وزیراعظم اور وزیر خارجہ اسحاق ڈار برسلز کا کامیاب دورہ مکمل کر کے پاکستان روانہ ہو گئے ہیں۔ وہ پاکستان-ای یو اسٹریٹجک ڈائیلاگ اور ای یو انڈو پیسیفک منسٹریل فورم سمیت اعلیٰ سطحی مصروفیات کے سلسلے کے بعد پاکستان کے لیے روانہ ہوئے۔ دورے کے دوران نائب وزیراعظم نے امن و سلامتی، بحری سلامتی، اقتصادی شراکت داری اور عالمی پائیداری کے اقدامات پر ٹھوس بات چیت کی۔
اس موقع پر، اسحاق ڈار نے متعدد ہم منصبوں اور عالمی رہنماؤں کے ساتھ دوطرفہ ملاقاتیں کیں، جس میں اسٹریٹجک تعلقات کو گہرا کرنے اور متعدد شعبوں میں تعاون کو بڑھانے کے راستے تلاش کیے گئے۔ اسحاق ڈار نے پاکستان جاتے ہوئے مدینہ منورہ میں قیام کیا، جہاں انہوں نے نماز ادا کی اور روضہ رسول صلی اللہ علیہ وسلم پر حاضری دی۔ انہوں نے
