نائب وزیراعظم اور وزیر خارجہ اسحاق ڈار نے وزارت نجکاری اور نجکاری کمیشن کو نجکاری کے عمل کو تیز کرنے کی ہدایت کی ہے۔ وہ ہفتہ کو اسلام آباد میں حکومت کے نجکاری ایجنڈے پر پیش رفت کا جائزہ لینے کے لیے ایک بین الوزارتی اجلاس کی صدارت کر رہے تھے۔
نائب وزیراعظم نے
متعلقہ وزارتوں کو بھی ہدایت کی کہ وہ نجکاری کے عمل میں مکمل تعاون فراہم کریں کیونکہ
اس کا مقصد ان اداروں کو پائیدار اور منافع بخش راستے پر لانا ہے۔ اجلاس کو پی آئی
اے سمیت بڑے پبلک سیکٹر اداروں کی نجکاری سے متعلق جاری اقدامات اور عمل کے بارے میں
بریفنگ دی گئی۔
وزیر برائے بحری امور محمد جنید انور چوہدری نے کہا ہے کہ پاکستان اور عمان کے درمیان مسافر اور کارگو فیری سروس سے بحری رابطوں کو تقویت ملے گی اور دوطرفہ تجارت کو فروغ ملے گا۔ ایک بیان میں انہوں نے کہا کہ دونوں ممالک فیری لنک کو باقاعدہ بنانے کے لیے جلد ہی مفاہمت کی ایک یادداشت پر دستخط کریں گے۔
وفاقی وزیر نے گوادر سے عمان تک براہ راست فیری روٹ کے
قیام کی تزویراتی اہمیت پر زور دیا، جس میں توسیع شدہ تجارت، سرمایہ کاری میں
اضافے اور ٹرانزٹ ریونیو کے ذریعے اہم اقتصادی فوائد حاصل کرنے کی صلاحیت کو اجاگر
کیا۔ توقع ہے کہ اس سروس سے مسافروں اور کارگو دونوں کی نقل و حرکت میں سہولت ہو گی،
جو روایتی شپنگ اور ہوائی نقل و حمل کے لیے براہ راست، کم لاگت، اور ماحول دوست
متبادل بنائے گی۔
