پاک بحریہ نے کراچی پورٹ سے ماحول دوست سمندری ایندھن کی پہلی بڑے پیمانے پر پیداوار اور ترسیل کے ساتھ پاکستان کی میری ٹائم تاریخ میں ایک اور سنگ میل عبور کر لیا ہے۔ یہ کامیابی وزیراعظم کی ٹاسک فورس آن میری ٹائم افیئرز اور حکومت پاکستان کے دیگر اہم اداروں کی مربوط کوششوں سے ممکن ہوئی۔
یہ ترقی پاکستان کی توانائی کی پیداوار میں بھی ایک بڑی کامیابی ہے۔ مقامی پیداوار اور ماحول دوست انتہائی کم سلفر سمندری ایندھن کی باقاعدہ ترسیل کے ساتھ، پاکستان پہلی بار میری ٹائم اور توانائی کے شعبوں میں بین الاقوامی میری ٹائم آرگنائزیشن کے معیارات پر پورا اترا ہے۔
جبکہ خیبرپختونخوا میں دو الگ الگ آپریشنز میں بھارتی پراکسی فتنہ الخوارج سے تعلق رکھنے والے تئیس خوارج مارے گئے۔ آئی ایس پی آر کے مطابق سیکیورٹی فورسز کی جانب سے ضلع باجوڑ میں خوارج کی موجودگی کی اطلاع پر انٹیلی جنس پر مبنی آپریشن کیا گیا۔ آپریشن کے دوران، اپنے دستوں نے خوارج کے مقام پر مؤثر طریقے سے کاروائی کی، جس کے نتیجے میں خوارج کے سرغنہ سجاد ابوذر سمیت گیارہ خوارج مارے گئے۔
ضلع بنوں میں انٹیلی جنس پر مبنی ایک اور آپریشن میں دستوں نے کامیابی سے مزید بارہ خوارج کو بے اثر کر دیا۔ علاقے میں پائے جانے والے کسی بھی دوسرے ہندوستانی سپانسر شدہ خارجی کو ختم کرنے کے لیے کارروائیاں کی جا رہی ہیں۔ پاکستان کی سیکیورٹی فورسز اور قانون نافذ کرنے والے اداروں کی جانب سے نیشنل ایکشن پلان پر وفاقی سپریم کمیٹی کی منظوری کے مطابق مشن جاری ہے جس میں دہشت گردوں کو ختم کرنا اور ان کے سہولت کاروں کو انجام تک پہنچانا ہے۔
