لورالائی میں فرنٹیئر کور ہیڈ کوارٹرز میں قبائلی رہنماؤں کا گرینڈ جرگہ منعقد ہوا جس میں وزیراعلیٰ بلوچستان میر سرفراز بگٹی، گورنر جعفر خان مندوخیل، آئی جی ایف سی بلوچستان نارتھ نے شرکت کی۔ جرگہ سے خطاب کرتے ہوئے گورنر نے کہا کہ قبائلی عوام صوبے میں امن کے فروغ کے لیے ہمیشہ ریاستی اداروں کے ساتھ کندھے سے کندھا ملا کر کھڑے ہیں۔ اس موقع پر قبائلی عمائدین نے دہشت گردوں کے خلاف جنگ میں مسلح افواج کے ساتھ مکمل حمایت اور یکجہتی کا اظہار کیا۔ وزیر اعلیٰ نے جرگہ سے خطاب کرتے ہوئے کہا کہ پوری قوم دہشت گردی کے خلاف متحد ہے۔
دوسری جانب نائب وزیراعظم اور وزیر خارجہ اسحاق ڈار نے برسلز میں پاکستان ہاؤس میں عشائیہ پر یورپی پارلیمنٹ کے اہم ارکان سے ملاقات کی۔ انہوں نے باہمی دلچسپی کے مختلف شعبوں میں پاکستان اور یورپی یونین کے تعاون کو بڑھانے کے ساتھ ساتھ علاقائی اور عالمی پیش رفت پر تبادلہ خیال کیا۔
