صدر
پاکستان اور وزیراعظم کا اظہار افسوس
رومن
کیتھولک چرچ کے سربراہ پوپ فرانسس کل ویٹیکن میں انتقال کر گئے۔ وہ 88 سال کے تھے۔
پوپ فرانسس نے ایک دہائی سے زیادہ عرصے تک کیتھولک چرچ کی صدارت کی۔
وہ
2013 میں رومن کیتھولک چرچ کے سربراہ بنے۔ ویٹی کن نے پوپ فرانسس کی موت کی تصدیق
کر دی ہے۔ وہ 17 دسمبر 1936 کو بیونس آئرس، ارجنٹائن میں پیدا ہوئے۔
صدر آصف علی زرداری اور وزیراعظم محمد شہباز شریف
نے رومن کیتھولک چرچ کے سربراہ پوپ فرانسس کے انتقال پر دکھ اور افسوس کا اظہار کیا
ہے۔ اپنے الگ الگ بیانات میں، انہوں نے ویٹیکن سٹی، عالمی مسیحی برادری اور دنیا
بھر میں ان کے تمام مداحوں سے دلی تعزیت اور ہمدردی کا اظہار کیا۔
صدر نے بین المذاہب ہم آہنگی، ہمدردی اور پرامن
بقائے باہمی کے لیے مرحوم پوپ کے عزم کو خراج تحسین پیش کیا۔ انہوں نے کہا کہ پوپ فرانسس کو امن، سماجی
انصاف، بین المذاہب مکالمے اور دنیا بھر میں سب سے زیادہ کمزور کمیونٹیز کی فلاح و
بہبود کے لیے ان کی کوششوں کے لیے یاد رکھا جائے گا۔ انہوں نے کہا کہ پوپ فرانسس
امن اور انصاف کے لیے ایک طاقتور آواز تھے اور مختلف مذاہب کی کمیونٹیز کو اکٹھا
کرنے اور باہمی افہام و تفہیم کے فروغ کے لیے ان کی کوششوں کو ہمیشہ یاد رکھا جائے
گا۔
اپنے بیان میں وزیر اعظم شہباز شریف نے کہا کہ
پوپ فرانسس بین المذاہب ہم آہنگی، امن اور انسانیت کے فروغ کے پرزور حامی تھے۔ ان
کی قیادت میں کیتھولک چرچ نے پوری دنیا میں محبت، رواداری اور باہمی احترام کا پیغام
پھیلایا۔
شہباز
شریف نے کہا کہ ایسٹر کے موقع پر پوپ فرانسس کا غزہ اور فلسطین میں فوری جنگ بندی
اور انسانی حقوق کی خلاف ورزیوں کے خاتمے کا مطالبہ ان کی امن پسند اور انسان دوست
شخصیت کا عکاس ہے۔ وزیراعظم نے کہا کہ پوپ فرانسس کی وفات پوری دنیا بالخصوص مسیحی
برادری کے لیے ناقابل تلافی نقصان ہے۔
غزہ
میں اسرائیلی فوج نے اپنے بلاامتیاز حملوں میں مزید 29 فلسطینیوں کو شہید کر دیا۔ غزہ حکومت کے میڈیا آفس نے اکتوبر 2023 میں
اسرائیلی جارحیت کے آغاز کے بعد سے اپنی شہادتوں کی مجموعی تعداد کو 61,700 سے زیادہ
کر دیا۔
