اقوام متحدہ کے سکریٹری
جنرل انتونیو گوتریس نے روس کے ساتھ 30 روزہ جنگ بندی کی امریکی تجویز کو قبول
کرنے کے لیے یوکرین کی تیاری کا خیرمقدم کیا ہے۔
پریس کانفرنس میں اقوام
متحدہ کے سربراہ نے امید ظاہر کی کہ اس سے ملک میں منصفانہ امن کی راہ ہموار ہوگی۔
یوکرین کا کہنا ہے کہ وہ
امریکا کی طرف سے تجویز کردہ روس کے ساتھ فوری طور پر 30 روزہ جنگ بندی کو قبول
کرنے کے لیے تیار ہے۔
یہ اعلان یوکرین اور امریکا
کے سعودی عرب میں ہونے والے مذاکرات کے بعد مشترکہ بیان میں کیا گیا۔
بیان میں، امریکہ نے یہ
بھی کہا کہ وہ یوکرین کو انٹیلی جنس شیئرنگ اور سیکیورٹی امداد فوری طور پر دوبارہ
شروع کر دے گا۔
امریکی وزیر خارجہ مارکو
روبیو نے کہا ہے کہ وہ روس کو پیشکش کریں گے اور ان کے جواب کا انتظار کریں گے۔
دوسری جانب عرب وزرائے
خارجہ نے غزہ کی تعمیر نو کا منصوبہ تیار کرنے کے لیے امریکی خصوصی ایلچی اسٹیو وٹ
کوف کے ساتھ مل کر کام کرنے پر اتفاق کیا ہے۔
دوحہ میں ایک مشترکہ بیان
میں عرب وزراء نے کہا کہ وہ غزہ کی پٹی کی تعمیر نو کے مصر کے منصوبے پر امریکی
صدر ڈونلڈ ٹرمپ کے خصوصی ایلچی سے مشاورت جاری رکھیں گے۔
اس کے علاوہ یورپی یونین،
کینیڈا اور چین نے امریکہ کی طرف سے سٹیل اور ایلومینیم کی درآمدات پر زیادہ
محصولات عائد کرنے کے جواب میں جوابی کارروائیوں سے خبردار کیا ہے۔ الگ الگ جوابات میں، انہوں نے ٹیرف کو
'مایوس کن' قرار دیا۔
