وزیر خارجہ بلاول بھٹو زرداری کل بھارت کے شہر گوا میں ہونے والے شنگھائی تعاون تنظیم کے وزرائے خارجہ کے اجلاس میں پاکستانی وفد کی قیادت کریں گے
وزیراعظم شہباز شریف نے کاشتکاروں
کو گندم کی بمپر فصل سے بھرپور فوائد کی فراہمی کو یقینی بنانے کے لیے عملی اقدامات
پر زور دیا ہے۔
ان خیالات کا اظہار انہوں
نے نگراں وزیراعلیٰ پنجاب محسن نقوی سے گفتگو کرتے ہوئے کیا جنہوں نے آج لاہور میں
ان سے ملاقات کی۔
نگران وزیراعلیٰ پنجاب نے
وزیراعظم کو صوبے میں گندم کی فصل کی خریداری سے متعلق بریفنگ دی۔
شہباز شریف نے صوبے میں گندم
کی بمپر پیداوار پر اطمینان کا اظہار کیا۔
ملاقات میں پنجاب میں امن
و امان کی مجموعی صورتحال اور باہمی دلچسپی کے دیگر امور پر بھی تبادلہ خیال کیا گیا۔
جبکہ
وزیر خارجہ بلاول بھٹو زرداری کل بھارت کے شہر گوا میں ہونے
والے شنگھائی تعاون تنظیم کے وزرائے خارجہ کے اجلاس میں پاکستانی وفد کی قیادت کریں
گے۔
دفتر خارجہ کے مطابق وزیر
خارجہ شنگھائی تعاون تنظیم کے وزرائے خارجہ کونسل کے اجلاس میں موجودہ چیئر، ہندوستان
کے وزیر خارجہ ڈاکٹر ایس جے شنکر کی دعوت پر شرکت کر رہے ہیں۔
دفتر خارجہ نے کہا کہ اجلاس
میں ہماری شرکت شنگھائی تعاون تنظیم کے چارٹر اور عمل سے پاکستان کے عزم اور اس اہمیت
کی عکاسی کرتی ہے جسے پاکستان اپنی خارجہ پالیسی کی ترجیحات میں خطے کے لیے دیتا ہے۔
اس سے قبل وزیر خارجہ نے گزشتہ
سال جولائی میں تاشقند میں ہونے والے وزرائے خارجہ کونسل کے آخری اجلاس میں بھی شرکت
کی تھی۔
