دو چھوٹے طیارے آپس میں ٹکراگئے، فوج کی فائرنگ، متعدد افراد شدید زخمی ، کئی علاقے بجلی سے محروم | Two small planes collided, army firing, many people seriously injured

 دو چھوٹے طیارے آپس میں ٹکراگئے، فوج کی فائرنگ، متعدد افراد شدید زخمی ، کئی علاقے بجلی سے محروم

 

جرمنی کے شہر ہیمبرگ کے ایک چرچ کے ہال میں فائرنگ کے نتیجے میں کم از کم آٹھ افراد ہلاک ہو گئے ہیں۔

پولیس کے مطابق متعدد افراد شدید زخمی ہوئے ہیں جن میں سے کچھ جان لیوا بھی ہیں۔

 

جمعرات کو مقبوضہ مغربی کنارے میں اسرائیلی فوج کی فائرنگ سے تین فلسطینی شہید ہوگئے۔

فلسطینی وزارت صحت نے کہا کہ جنین شہر کے قریب جبہ میں اسرائیلی فوج کے چھاپوں کے دوران فلسطینیوں کو شہید کیا گیا۔

 

جمعرات کو یوکرین میں روسی میزائل حملوں میں کم از کم پانچ افراد ہلاک ہو گئے ہیں۔

یوکرین کے حکام نے بتایا کہ چار افراد لیویو کے علاقے میں ہلاک ہوئے جبکہ ایک شخص دنیپروپیٹروسک کے علاقے میں ہلاک ہوا۔

میزائل حملوں نے توانائی کی سہولت اور اہم انفراسٹرکچر کو نشانہ بنایا جس سے کئی علاقے بجلی سے محروم ہو گئے۔

 

امریکی ریاست فلوریڈا میں ایک جھیل کے اوپر دو چھوٹے طیارے آپس میں ٹکرانے سے کم از کم چار افراد ہلاک ہو گئے۔

چار متاثرین میں سے تین کی شناخت ہو گئی ہے، جن میں ایک فلائٹ انسٹرکٹر، ایک کالج کا طالب علم اور ایک 67 سالہ شخص شامل ہے۔