سعودی عرب اور ایران نے اپنے سفارتی تعلقات بحال کرنے پر اتفاق کیا ہے
سعودی عرب اور ایران نے اپنے
سفارتی تعلقات بحال کرنے پر اتفاق کیا ہے
دونوں ملکوں کی سرکاری خبر
رساں ایجنسیوں نے اطلاع دی ہے کہ اس سلسلے میں فیصلہ بیجنگ میں سعودی اور ایران کے
اعلیٰ حکام کے درمیان پانچ روزہ مذاکرات کے بعد کیا گیا جو آج ختم ہوئی۔
ایک مشترکہ بیان میں دونوں
فریقوں نے دو ماہ کے اندر اپنے سفارتخانے دوبارہ کھولنے اور سفیروں کے تبادلے کے عزم
کا اظہار کیا۔
دونوں ممالک نے ایک دوسرے
کی خود مختاری کا احترام کرنے اور ایک دوسرے کے اندرونی معاملات میں مداخلت نہ کرنے
پر بھی اتفاق کیا۔
مشترکہ بیان کے مطابق دونوں
ممالک کے وزرائے خارجہ جلد ہی ملاقات کریں گے جس میں سفیروں کے تبادلے کے انتظامات
کیے جائیں گے اور تعلقات کو بڑھانے کے طریقوں پر تبادلہ خیال کیا جائے گا۔
ریاض اور تہران نے 2001 میں
دستخط کیے گئے سیکیورٹی تعاون کے معاہدے اور 1998 میں دستخط کیے گئے تجارت، معیشت اور
سرمایہ کاری کے معاہدے کو فعال کرنے پر بھی اتفاق کیا۔
دونوں اطراف نے مذاکرات کی
میزبانی اور حمایت پر چینی قیادت اور حکومت کا شکریہ ادا کیا۔
شی جن پنگ تیسری بار صدر منتخب
جبکہ
دوسری جانب چین کے رہنما شی جن پنگ کو ملکی پارلیمان نے
تیسری بار صدر منتخب کر لیا ہے۔
چین کی تاریخ میں یہ بے مثال
ہے کہ پارلیمنٹ نے تیسری بار صدر کا انتخاب کیا ہے۔
چین کی پارلیمنٹ، نیشنل پیپلز
کانگریس کے تقریباً 3,000 ارکان نے ژی کے صدر بننے کے لیے عوام کے عظیم ہال میں متفقہ
طور پر ووٹ دیا۔
ووٹنگ تقریباً ایک گھنٹے تک
جاری رہی اور الیکٹرانک گنتی تقریباً 15 منٹ میں مکمل ہوئی۔
