وفاقی کابینہ نے وکلاء تحفظ بل 2023 کی منظوری دے دی
وفاقی کابینہ نے وکلاء تحفظ
بل 2023 کی منظوری دے دی
وفاقی کابینہ نے وکلاء کے
تحفظ کے بل 2023 کی منظوری دے دی ہے جو قانونی ماہرین کے تحفظ کے لیے پارلیمنٹ میں
پیش کیا جائے گا۔
یہ منظوری آج اسلام آباد میں
وزیراعظم شہباز شریف کی زیر صدارت وفاقی کابینہ کے اجلاس میں دی گئی۔
اجلاس سے خطاب کرتے ہوئے وزیراعظم
نے ملک کے آئینی ارتقاء میں وکلاء کے کردار کو سراہا۔
وزیر اعظم شہباز شریف نے کہا
کہ کاشتکاروں کے لیے فصل کو منافع بخش بنانے کے لیے کپاس کی 8500 روپے فی چالیس کلو
گرام امدادی قیمت کی منظوری دی گئی ہے۔
وزیراعظم نے ایس ایم ای بینک
کے صارفین کے ڈیپازٹس کی حفاظت کو یقینی بنانے کی بھی ہدایت کی۔ انہوں نے کہا کہ بند
ہونے کے دوران صارفین کی جمع پونجی واپس کرنے کا خاص خیال رکھا جائے۔
وزارت خزانہ کی سفارش پر کابینہ
نے سیکیورٹی اینڈ ایکسچینج کمیشن آف پاکستان کے 15 دوطرفہ اور دو ملٹی لیٹرل ایم او
یوز کی بعد از اصل منظوری دی۔
فورم نے محمد وسیم اسلم ولد
محمد اسلم کی سعودی عرب حوالگی کے لیے حوالگی ایکٹ 1972 کے تحت انکوائری کمیٹی بنانے
کی بھی منظوری دی۔
وفاقی کابینہ نے وزارت مذہبی
امور اور بین المذاہب ہم آہنگی کی سفارش پر پاکستان سکھ گوردوارہ پربندھک کمیٹی کی
تشکیل نو کی منظوری دے دی۔
13 رکنی کمیٹی میں تمام صوبوں سے سکھ برادری کی
نمائندگی کو یقینی بنایا گیا ہے۔
