پاکستان کو دوبارہ ترقی کی راہ پر گامزن کیا جائے گا، مریم نواز
مسلم لیگ (ن) کی چیف آرگنائزر
مریم نواز نے اپنی پارٹی کے عزم کا اظہار کیا ہے کہ ماضی کی طرح پاکستان کو دوبارہ
ترقی کی راہ پر گامزن کیا جائے گا۔
اتوار کی شام راولپنڈی میں
پاکستان مسلم لیگ نواز کے ورکرز کنونشن سے خطاب کرتے ہوئے انہوں نے اگلے عام انتخابات
میں اقتدار میں آنے کی صورت میں ملک کی تعمیر نو اور عوام کی مشکلات کو کم کرنے کے
عزم کا اظہار کیا۔
انہوں نے کہا کہ عمران خان
اور ان کے حواریوں نے پاکستان کی معیشت کو تباہ کر دیا ہے اور اب اتحادی حکومت ملک
کو بچانے کی بھرپور کوشش کر رہی ہے۔
اس تاثر کو زائل کرتے ہوئے کہ ن لیگ انتخابات سے گریز کر رہی ہے، مریم نواز نے کہا کہ ان کی پارٹی انتخابی مہم کا آغاز کر چکی ہے، جبکہ ہمارے مخالفین بنکروں میں چھپے ہوئے ہیں۔
تقریب سے سابق وزیراعظم شاہد خاقان عباسی نے بھی خطاب کیا۔
