پی ٹی آئی فارن فنڈنگ کیس کا فیصلہ آگیا

الیکشن کمیشن آف پاکستان (ای سی پی) نے متفقہ طور پر قرار دیا ہے کہ پاکستان تحریک انصاف کو ممنوعہ ذرائع سے فنڈنگ ​​حاصل ہوئی۔

 چیف الیکشن کمشنر سکندر سلطان راجہ کی سربراہی میں الیکشن کمیشن کے تین رکنی بینچ نے منگل کو اسلام آباد میں پی ٹی آئی کی ممنوعہ فنڈنگ ​​کیس کا فیصلہ سنایا۔

 کمیشن نے پولیٹیکل پارٹیز رولز 2002 کے آرٹیکل 6(3) کے تحت پی ٹی آئی کو وجہ بتاؤ نوٹس جاری کیا کہ کیوں اس کے ممنوعہ ذرائع سے حاصل کیے گئے فنڈز ضبط نہ کیے جائیں۔

 کمیشن نے قرار دیا کہ پی ٹی آئی نے پولیٹیکل پارٹیز آرڈر 2002 اور آئین پاکستان کے آرٹیکل 17(3) کی خلاف ورزی کرتے ہوئے 34 غیر ملکی شہریوں، 351 غیر ملکی کمپنیوں بشمول امریکہ سے فنڈز وصول کیے اور الیکشن کمیشن آف پاکستان سے تیرہ اکاؤنٹس چھپائے۔

 یہاں یہ بات قابل ذکر ہے کہ یہ مقدمہ پی ٹی آئی کے بانی رکن اکبر ایس بابر نے 2014 میں دائر کیا تھا اور کمیشن نے رواں سال 21 جون کو کیس کا فیصلہ محفوظ کیا تھا۔