پاک فوج مادر وطن کے دفاع کے لیے پوری طرح تیار ہے
چیف آف آرمی سٹاف جنرل سید
عاصم منیر نے اس عزم کا اظہار کیا ہے کہ پاکستان کی مسلح افواج قوم کی حمایت سے
مادر وطن کی علاقائی سالمیت اور خود مختاری کے ہر قسم کے خطرات کے خلاف دفاع کے لیے
پوری طرح تیار ہیں۔
وہ رحیم یار خان کے قریب
تربیتی علاقے میں فیلڈ مشق "شمشیر سحر" میں مصروف فوجیوں سے بات چیت کر
رہے تھے۔
آئی ایس پی آر کے مطابق
مشق کا مقصد آپریشنل ماحول میں مستقبل کے چیلنجز سے نمٹنے کے لیے درکار پیشہ ورانہ
مہارت اور میدان جنگ کے طریقہ کار کو بڑھانا تھا۔
آرمی چیف نے آرمر، انفنٹری،
میکانائزڈ انفنٹری، آرٹلری، ایئر ڈیفنس اور اینٹی ٹینک گائیڈڈ میزائل سمیت مختلف
عناصر کے مربوط فائر اور جنگی مشقوں کا مشاہدہ کیا۔
مشق میں پاک فضائیہ کے طیاروں
نے بھی حصہ لیا۔
اس مشق میں الیکٹرانک
وارفیئر کی صلاحیتوں اور انفارمیشن آپریشنز کو بھی شامل کیا گیا جو جنگ کے دوران
دشمن کی مواصلاتی صلاحیتوں اور ڈس انفارمیشن مہم کو دبانے کے لیے درکار تھے۔
آرمی چیف نے مشق کے علاقے
میں فوجیوں کے ساتھ پورا دن گزارا اور تمام رینک کے تربیتی معیار، آپریشنل تیاریوں
اور بلند حوصلے کو سراہا۔
انہوں نے زور دے کر کہا
کہ مسلح افواج کو دشمن کی کسی بھی مہم جوئی کے لیے ہمہ وقت تیار رہنا چاہیے۔
قبل ازیں فیلڈ ایریا
پہنچنے پر آرمی چیف کا کور کمانڈر کراچی اور انسپکٹر جنرل ٹریننگ اینڈ ایویلیوایشن
نے استقبال کیا۔
