امریکا نے آسٹریلیا کو 220 کروز میزائل فروخت کرنے کی منظوری دے دی
امریکہ نے 895 ملین ڈالر کے
معاہدے کے تحت آسٹریلیا کو تقریباً 220 کروز میزائلوں کی فروخت کی منظوری دے دی ہے۔
امریکا نے آسٹریلیا کو
220 کروز میزائل فروخت کرنے کی منظوری دے دی۔
یہ معاہدہ دفاعی تعاون کے
لیے آسٹریلیا، امریکا اور برطانیہ کے درمیان ستمبر 2021 کے اوکس دفاعی معاہدے کا حصہ
ہے۔
متحدہ عرب امارات کے صدر نے
مغربی کنارے کے گاؤں حوارا کی تعمیر نو کے لیے 3 ملین ڈالر کی فراہمی کا حکم دیا۔
متحدہ عرب امارات (یو اے ای)
کے صدر شیخ محمد بن زاید نے گذشتہ ماہ سخت گیر یہودی آباد کاروں کے ہاتھوں نذر آتش
کیے گئے مغربی کنارے کے گاؤں حوارا کی تعمیر نو میں مدد کے لیے تین ملین ڈالر فراہم
کرنے کا حکم دیا ہے۔
اس اقدام کو ابوظہبی کے محکمہ
بلدیات کے ذریعے اماراتی فلسطینی فرینڈشپ کلب کے تعاون سے نافذ کیا جائے گا۔
شمالی کوریا نے مشرقی پانیوں
میں بین البراعظمی بیلسٹک میزائل کا تجربہ کیا۔
شمالی کوریا نے اپنے مشرقی
پانیوں میں بین البراعظمی بیلسٹک میزائل کا تجربہ کیا ہے۔
یہ لانچ امریکی اور جنوبی
کوریا کی فوجوں کی جانب سے اپنی سب سے بڑی مشترکہ فیلڈ مشقیں شروع کرنے کے ایک دن بعد
ہوئی جسے پیانگ یانگ دشمنی اور حملے کی مشق سمجھتا ہے۔
جنوبی کوریا کے جوائنٹ چیفس
آف سٹاف نے کہا کہ شمالی کوریا نے ایسا لانچ کیا ہے جو بظاہر ممنوعہ آئی سی بی ایم
ہے۔
